Trump oo soo saaraya amarro cusub ka hor inta aan la caleema saarin Biden

0
Tuesday November 17, 2020 - 09:38:21 in
  • (Rating 0.0/5 Stars) Total Votes: 0
  • 0 0
  • Share via Social Media

    Trump oo soo saaraya amarro cusub ka hor inta aan la caleema saarin Biden

    Madaxweynaha dalka Maraykanka aya ala filaya in uu amar ku bixiyo in ciidamo dheeraad ah

    Share on Twitter Share on facebook Share on Digg Share on Stumbleupon Share on Delicious Share on Google Plus

Madaxweynaha dalka Maraykanka aya ala filaya in uu amar ku bixiyo in ciidamo dheeraad ah

 laga soo saaro dalalka Afghanistaan iyo Ciraaq sida warbaahinta ay kasoo xigteen saraakil ka tirsan wasaarada difaaca dalkaasi.

Ciidamada ku sugan Afghanistaan oo haatan tiradoodu tahay shan kun ayaa kala bar la dhimmi doona (2500 ayaa lasoo saari doona) halka kuwa ciraaq joogana laga dhimmi doona ilaa seddex kun ama labo kun iyo shan boqol oo askari.

Madaxweyne Trump wuxuu horey u sheegay inuu doonayo "dhamaan" ciidamada in guryahooda ku laabtaan marka la gaaro ciidda masiixiga ah ee Christmas.

Madaxweyne Trump ilaa iyo hadda ma uusan ogolaan in doorashada looga guuleystay.

Waxaa la filaya in ciidamado dhamaantood lasoo saaro 15ka bisha janaayo sida ay ku warantay jariirada the Wall street Journal, maalmo un ka hor caleema-saarka Madaxweynaha la doortay Joe Biden.

Madaxweyne Trump wuxuu muddo dheer ku baaqayay in ciidamada Mareykanka ay dalka dib ugu soo laabtan wuxuuna dhaleeceeyay faragalinta militariga Mareykanka inay tahay mid kharash badan uu ku baxayo oo aan waxtar lahayn.

Bishii September Waaxda difaaca Mareykanka ee Pentagon-ka ayaa ku dhawaaqday in kabadan seddex meelood meel, ciidamadooda ay kala bixi doona Ciraaq sida uu xilligaasi sheegay taliyahooda ugu sareeya ee Bariga Dhexe.

Ciidamada Maraykanka ee Ciraaq


Jeneraal Kenneth McKenzie ayaa wariyeyaasha u sheegay in ciidamada Ciraaq jooga tiradoodu ay tahay 5,200 laguna soo koobi doono 3,000.

Maraykanka waxaa uu sheegay in ciidamada haray ay sii wadi doonaan la-talinta iyo caawinta ciidamada amniga ee Ciraaq si ay "u ciribtiraan" kooxda jihaad-doonka ah ee Daacish (IS).

Waxaa la filayaa in uu soo dhaweeyo in ciidamada Ciraaq la dhimo taas oo uu arko horumar laga gaaray balanqaadkiisi ololaha doorashada 2016-ka oo uu ku sheegay in ciidamada Maraykanka laga soo saaro dagaalada aan dhamadka lahayn.

Joogitaanka ciidamada Mareykanka ayaa sidoo kale noqotay arinta ugu weyn ee Ciraaq tan iyo markii Mareykanka uu duqeyn diyaaradeed ku dilay Baqdaad, Jeneraalkii ugu sare ee reer Iiran, Qaasiim Suleyman ,bishii Janaayo.

Xoogaggii uu hoggaaminayey Mareykanku waxay duulaan ku qaadeen Ciraaq 2003-dii, si ay xukunka uga tuuraan Madaxweyne Saddam Xusseyn oo ay meesha uga saaraan hub wax gumaada oo u muuqday in uusan jirin.

Ciidamada Mareykanka waxay ku sugnaayeen Afghanistaan tan iyo 2001. Isbaheysi Mareykanku hogaaminayo ayaa meesha ka saaray Taliban todobaadyo kadib weeraradii 11-ki September 2001 ee Al-Qaacida ay ku qaadeen Mareykanka.

Taalibaan ayaa dib isu abaabushay waxayna noqdeen xoog fallaago ah iyadoo sanandkii 2018-kiina ka hawlgalayay in ka badan laba -meelood meel, inta uu ka kooban yahay dalka Afghanistaan.

Mareykanku wuxuu bilaabay inuu ciidamadiisa uu kala baxo Afghanistan horaantii sanadkan arrintaas oo qayb ka ahayd heshiiskii nabadeed ee ay kala saxiixdeen Taliban iyo Maraykanka.


Leave a comment

  Tip

  Tip

  Tip

  Tip

  Tip